V.
Adjutórium nostrum in nómine Dómini. R.
Qui fecit cælum et terram.
Exorcízo vos, numísmata, per Deum+Patrem omnipoténtem, qui fecit cælum et terram, mare
et ómnia, quæ in eis sunt. Omnis virtus adversárii, omnis exércitus diáboli, et
omnis incúrsus, omne phantásma sátanæ eradicáre et effugáre ab his
numismatibus: ut fiant ómnibus, qui eis usúri sunt, salus mentis et córporis:
in nomine Patris+omnipoténtis, et Jesu+Christi, Fílii eius, Dómini nostri, et Spíritus
Sancti+Parácliti, et in caritáte ejúsdem Dómini
nostri Jesu Christi, qui ventúrus est judicáre vivos et mórtuos, et sæculum per
ignem. R. Amen.
V. Dómine, exáudi oratiónem meam. R. Et clamor meus ad te véniat.
R. Dóminus vobiscum. R. Et cum spíritu tuo.
Oremus
Deus omnípotens, bonórum ómnium largítor,
súpplices te rogamus: ut per intercessiónem sancti Patris Benedícti his sacris
numismátibus tuam bene-+dictiónem infúndas; ut
omnes, qui ea gestáverint ac bonis opéribus inténti fúerint, sanitátem mentis
et córporis, et grátiam sanctificatiónis, atque indulgéntias nobis concéssas
cónsequi mereántur, omnésque diáboli insídias et fraudes per auxílium
misericórdiæ tuæ stúdeant devitáre et in conspéctu tuo sancti et inmaculáti
váleant apparére. Per Christum Dóminum nostrum. R.
Amen.
Deinde
Sacerdos aspergit numismata aqua benedicta.
Quæ
formula brevior a S.C.R. die 13 Dec. 1922 (nº 129/22) approbata est pro ómnibus
sacerdotibus tum O.S.B., tum ceteris facultatem specialem benedicendi dicta
numismata habentibus.
No hay comentarios:
Publicar un comentario